عاجل
أشكي لمين حالي…/ شعر : محمد الباز

أشكي لمين حالي…/ شعر : محمد الباز

 

أشكي لمين حالي….
***********

هو

أشكي لمين غيرك
وليه كدة سايباني
ليه تقتلي طيرك
وتسبيه بالوجع وحداني
ضميني كتر خيرك
دا بيكي تحلي الأماني

**********
هي

قولي ايه اعمل..
وانا معاك دايما..
ارجع ذي الأول..
وخليني كدة تاجك..
فضفض ف حضني وطول
وانسي اهاتك وعذابك

************
هو

جوايا ليكي شوق كبير
بس حاسس اني وحيد
نفسي اعيش ليكي اسير
وامنع الاهه تزيد
نفسي اشم ريحة العبير
وادوب ف همسةمن اي ايد
**********

هي

فاتحة ليك قلبي تنام
جوة منه وتستغطي
وتشوفني كدة ف المنام
اجمل انوثة وارق انثي
وتقول فيا الكلام
بنبض قلبك دي احلي قطة
****************
هو

اللي جوايا مش كلام
اللي جوايا غير أي حد
ليكي عشق وغرام
يمد للدنيا مدددد
بس منايا اوام
تحضنييني هزار وجد

*********

هي

ياحبيبي انا كلك ملككك
بس اهدي بالقساوة
راح تشوف قلبي بيضحك
بس تشيل الغشاوة
راح تشوفني شمسك وضلك
وتدوق من شهدي الحلاوة
***********
هو

صدقيني عايش منايا
ابقي ليكي شيء
لكن دايما معايا
بتوقفيني ف الطريق
بأتمني فرحي وهنايا
يبقي بيكي وما اكون غريق
**********

هي

خلاص ياعيوني راح تبقي
من كل الكون ضيي ورمشي
وكل حياتي معاك هتمشي
زي ماتحب ياقمري
اضحك دايما ف وشي
وابقي فرحك لأخر عمري
************

محمدالباز
17-8-2016

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى