اغنية ع المحطة كلمات / احمد فؤاد نجم جلسة سقارة 29 ديسمبر 1993

ع المحطة … ع المحطة

واللي شفته أنا ع المحطة

طلعت الخفة أم شنطة

سلم الأوتوبيس … بنطة

حتة مُلعب … والأكاده 

في القوام والحسن بطة

هيه خشت درجة أولى

والكراسي بقت منطة

سابوا تانية … وغلب تانية

والقطيع على أولى خطى

اللي يهبش في الجونيلا

واللي يعلى … واللي يوطى

بص واحد ماللي هما دمهم فلفل وشطة

شاف صنايعي في البريمو

قاله خش هناك يا أسطى

تانية أنسب للي زيك

دي الحقيقة بلاش مغالطة

الأسطى قاله … ياعم روّق

دي الحياة تحب المباسطة

وانت شايف … مش مغمض

حاجة ملبن … حاجة قشطة

والا يعني الكون حيخرب

لو فقير يلهط له لهطة ؟

من تسجيلات الاستاذ / سيد مهدى عنبة

 

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق