الصيادين .. اتنين   لـ جابر سلطان

الصيادين .. اتنين لـ جابر سلطان

جابر سلطانجابر سلطان

 

شعر : جابر سلطان

زي عيل ع الطريق 

م يشد نبله
لجل يضربها في شجر
كان التخلف ع الطريق
بيشد طلقة
لجل يضربها في بشر

الصيد هنا عصفور مباح
والصيد هنا دم استباح
والصيادين اتنين
عيل بريء
والتاني عيل دربو سفاح
بث في ودانه الخطر
والدك كفر
شيخك كفر
وطنك كفر
وعشان كده دم الثلاثة مباح
لكن يا خفاش الصباح
مصر مش عاجزة الجناح

مصر عين الشمس
والنيل والفراعنة
مصر لعنة على كل من حاول
يغير من طبعها معنى السماح
مصر اشجار اللمون
والجوافة
وثمرة التفاح
مصر في الغيطان فلاح
يعرف يحبل بالبذور
ارضها الطاهره
تطرح عنب
تطرح قصب
تطرح وتطرح
ع الدوام افراح
مصر ف عيون النهار
بلورة عرق
وف ليلها قلبي والقمر
مصباح
حي على الفلاح
مدنى فوق صدر الحسين
وفي صدر مريم للنصارى براح
وان كات عقاربها اللئيمة
سممت ايدها
فلسه مليون ايد بتحارب الاشباح
فيا انشودة الموت الغريبة
مصر الحبيبة
ميهمهاش اليوم ولا عصف الرياح
مصر نيل
ان فاض يبوش عضم العقارب
ويقرقش التمساح

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى