عاجل
حصان شارد / شعر : ايمان مصطفى

حصان شارد / شعر : ايمان مصطفى

حصان شارد
بلا فارس
وفارس دمه ليه نازف ..
على الأوراق
وأحلامنا تخون العهد
تهجرنا مكان تانى..وهات يافراق
ونجم الليل ماعاد يظهر
وإيه تانى راح أتمنا
بقولوا ال لغوا الجنه…
وايه يفرق
ماانا من يومى بستنى
أمل يظهر
يقوم يغرق
فى أوحال السما التايهه
فى كل مدار
تلف تدور فيرويها
تقوم تخضر أحلامها
وتهدينا بشاير
صادقه مش فيها
ألم تانى
ومن تانى يقوم..
الفارس المدبوح…تُرد الروح
يطبطب ع الحصان..لبيض
يسمى بسم سر الكون
تفتح كل تجاعِيدُه
وتشرق والهنا يزيدُه
يفيض ويفيض
يطوف ع الكل بكاساته
يحلى الفرح شرباته
يغنى نشيد
يصلى جو ه محرابه
يحصن كل أعتابه
من التنهيد
ودقاته نغم يشجى
…فيتسرسب فى كل وريد
يزيد النبض فى عروقه
يفيض تغاريد
تداوى جرح ايامنا
اللى عمره
عنيد
يسلم للهوا أمره
ويطلب م الهنا
التجديد
وتلبس كل أيامنا
هدوم العيد

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى