رساله مفقوده / شعر : علاء رزق

صوره ومشط وكارنيه

وصورة حبايبه البيه .

وبريزه فوق ربع جنيه

وخطوط الرمل بتحكي

حاضنه افاروله

ف اراضيه وبطاقه

بتسلم ايامه لايام

بنبيع فيها اوجاعه

واولاد العم بايعينه

والدمع متكتف في عينيه .

غالية عليك ارضك عاليه

سماك عن ارضك مابعوها

خلاص وف عرضك رسمين

بالدم فوق علمك سلمنا

وهان دمك لا خال بيدور ولا عمك

محفظتك شاريها من رمسيس

وبيادتك بتدوس في خسيس

وتبوس الرمل اللي بيحضن الدم

اللي عمر سينا ونسينا

ياجدي وضحكنا وفرتنا

في حقك برحتنا

وحياة الاسم اللي من ضيه شقيت الفجر

في ليل بكره وليه دلوقتي طالع لينا

من موج الرمل بتهدينا

دليل علي انك بتفدينا

وبروحك في الخير عدينا

طيب ليه في الصوره احبابك

وجواب وقروش وشبابك

وشفايف شاهده ومش خايف

في قلب الرمل بقيت صايف

تاريخ ورساله رفات جسمك

في بطاقه مدون اسمك

وتارينا كتبنا قصاد اسمك

اكيد مفقود او يمكن

قلنا كان خاين

صبح هارب

مش هيعود

اصل احنا في اللك كتار

ونالف قصه للشطار

ونسينا نقول خدت التار

ووقفت لوحدك تصد النار

وبقيت في الضلمه بتسارع

مع ضي نهار وانهار

وطنك بانهاره . وبحوره حزينه ودواره

وصلتنا رسالتك وياريت نفهم

انك بتدافع عن قسمك .

انك راح تحمي تراب

وارواح حزانا بنبكي في ليل رواح

كام واحد ذيك نسيناهم

عدينا وروحنا في سيناهم

خد راحتك روحنا هاتفديها

وعلشانك بكره نعديها

ونبني الجيل من اللي بانيها

بالعلم نمد ف خطاويها

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى