صدّقناه ( إلى روح الشيخ إمام عيسى فى ذكراه ) شعر / قدرى نوار

صدّقناه ( إلى روح الشيخ إمام عيسى فى ذكراه ) شعر / قدرى نوار

صدقناه علشان إنسان

كان له قلب وألف لسان

لا بيكِّل أو بيمِّل

أو بينافق أو بيوافق

يمشى ف وسط قطيع خرفان

أو بيصاحب صاحب جاه

عشنا معاه وسمعنا غناه

واتغربنا ف عمر الورد…

كثير ويّاه

خدنا معاه من درب لدرب

وقت السلم ووقت الحرب

دوقنا سنين الصبر المُرة

واتكرَّعنا كتير أحزان

كانت دقة عوده زمان

بتوعِّينا وتقوِّينا

وتحمِّسنا ف كل حروبنا

ضد السلطة والسلطان

عاش مولانا الشيخ جبار

كل سنينه ف قلب الحوش

آخر خطوة فى المشوار

مات وف جيبه كان معهوش

غير الستر وحب الناس

مات فنان الشعب وعاش

فنُّه الباقى فى الوجدان

شعر: قدرى نوار

20/7/2018

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إلى الأعلى