عاجل
قصيدة أحضان معدنية للشاعر الشاب المتميز / السيد سعد

قصيدة أحضان معدنية للشاعر الشاب المتميز / السيد سعد

الوقع العربي

عندما تتحول الآلة إلى معشوقة ، أحضانها معدنية !!

أحضان معدنية
ولا مَرَّة فـــ عمرك قولتيلي
أنا زهقانه اِبعد .. يوه ……..
غير ستات العالم انتي . .
ايوة حبيبتي ليكي شابوه
يبدأ يومي أيوه ف أوضتك
شايف وزني يطلع كام
كام زاد هم . .
و كام زاد غم
وسال الدم مع الأيام
وانا بوزن نفسي بتنادي :
يلا حبيبي أنا مشتاقه
لساعات طيفك وانت معايا
حاضر جي . . . . !!
قدري حبيبتي أكون بين إيديك
حضنك معدن وبيندهني
. . ههرب فين ؟
مانا لو غبت ف يوم عن عينك
يتعب قلبي
وانا بصراحه ماليش قلبين !!
حَضناني بإيديك لسنين
ومافيش مرة تشتكي مني
مهما انا بصرخ . .
وأعلي ف صوتي
بتصالحيني عليا تحني
مهما انا بتعب . .
وادوخ ف هواكي
يجي البحر بإيده المالحة ويفوقني
والمدة اللي مابنا بتخلص
وأسيبك فعلا وأسافر
بس أنا عارف
إني راجعلك كل يومين !!

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى