قصيدة .. خير الأجناد … للشاعرة الأديبة / هنــــــــــــاء جـــــوده

قصيدة .. خير الأجناد … للشاعرة الأديبة / هنــــــــــــاء جـــــوده

 

11667366_10200676919802264_4355866293290342853_n

       الشاعرة هنــاء جـــوده

almastba.com_1390674930_248

 

خير الأجناد
…………..
لو شوفت هنااااك ..
فوق كتف الصحرا أسد واقف
على كتفه سلاح وف إيده علم
لو شوفت هناك
إنسان النيل شرايين دمه
وتاريخه حضاره إيمان وقيّم
لو شوفت أسد ع النار ماشي
ما يهمه ألم
قربله وحط إيديك ف إيديه
دا الجندي المصري وربه حاميه
ف عيونه نهار جايب أعياد
وف قلبه جناين حاضنه بلاد
افروله يقول خير الأجناد
إنسان ولا عمره هيبقى صنم
لو شوفت هناك
الضحكه نخيل طارح جُمّار
وعيون ع العادي بتصبح نار
إن شوفته ف وقت الحرب دمار
وف وقت السلم بيبني هرم
قربله وحط إيديك ف إيديه
دا الجندي المصري وربه حاميه
ف عيونه نهار جايب أعياد
وف قلبه جناين حضنه بلاد
افروله يقول خير الأجناد
إنسان ولا عمره هيبقى صنم
لو شوفت هناك
زرغوته بتحضن كل شهيد
وكأنه عريس وف زفّة عيد
وسنابل تطرح غيره جديد
يرفع أوطانه لأعلى قمم
قربله وحط إيديك ف إيديه
دا الجندي المصري وربه حاميه
ف عيونه نهار جايب أعياد
وف قلبه جناين حضنه بلاد
افروله يقول خير الأجناد
إنسان ولا عمره هيبقى صنم
إنسان ولا عمره هيبقى صنم
………………….
هناء جــوده

 

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى