ياباح ياباح …………..   شعر/ توفيق ومان – الجزائر

ياباح ياباح
وخااشقجي.. ياعالم وين راح

هاذي اخبار ذاك الممحون
و المرقة ف صحن سخون
لاعبها غبي بفنون
و الرقصة بصوت و مداح

ياباح ياباح
و خاشقجي.. يا عالم وين راح

ترامب يحسب في الصفقة
ما عندو صاحب لا رفقة
و الزير يتبع بالدق
سفاح، وايديه ملاح

ياباح ياباح
و خاشقجي.. يا عالم وين راح

يا خوتي واش هاذ الحال
خبث و كفر معاه المال
و البيت جاها دجال
و السهرات مع لقداح

ياباح ياباح
و خاشقجي.. يا عالم وين راح

قالو خاين يدمر فينا
انحوه بضربة حنينة
معارض لازملو الهينة
لا جنازة لا براح

ياباح ياباح
و خاشقجي.. يا عالم وين راح

هاذي دنيا وفيها حكاية
والصح لازملو مراية
و الكلمة عندها جباية
وعزة نفس مع الصُلاح

ياباح ياباح
و خاشقجي.. يا عالم وين راح

ياخوتي واش هاذ الحالة
اعلى من راهي الدالة
خنقونا ذوك الحُثالة
صحة وجه وناس ملاح

ياباح ياباح
و خاشقجي.. يا عالم وين راح

 

                         

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق