ف عيون بلادى الجميلة
يا ولدى مين اللي قال
إن البلدى قليلة
بتضمنا عمرها ف القلب والننى
وتحطنا ف حضنها وباعينهاو تعينّى
لو قلت كلمةاااه تدعي تقول الله
يزيح جدار الهم ويعدل الميله
النغم موصول وعزف العود بيشجينى
وعزف القطن ع الارغول
بيفرحنى يدفينى
يا بلدى يا لمحه من قمحى
يا قلب اخضر وبتسامحى
يا واصله بين قلوب الناس
وبتقّوى وبتعينى
النغم موصول بصبر بلادى ع المحنه
وحيط الهم بتهده وبتحدد ملامحنا
يا صبر بلادى يا ناعسه
جسد ايوب بيتعافى
ويتجدد.. ويتشافى
ولادك قدها وقدود
ورثنا الصبر ونجحنا
النغم موصول
بعود الفل لبلادي
يا مصر يا نبض وجداني
يا مصر يا شمعة تنقادي
عروسة النيل ما غرقتشى
لان نزولها كان عادى
بتتمشى في قلب النهر
يقابلها فتى فرعون
ما لوش ف الظلم أو ف القهر
وليه في الخير علوم وفنون
عروسة النيل بتولد خير
فيكتر طميه ف الوادي
صباح الحب لبلادي
مساء الفل يا بلادي