شعر : مريم النقادي
بُكْره شبـَهــَـكْ
بس إحلّم حِلم قدّك
حّلم أنت بسّْ بطلُه
وأنت مُخرج كُل فيلمك
بُكره شبهكْ لو صُغير
لوُ خيال على قد يومُه
أروى الأمانى تكْبَـر
وأنت تصبح قد حِلمك
بُكره شبهكْ لو حزين
تنقل الأوجاع لبُكره
أى حُزن وفّى ديَن
مِن ليالى جايه تضحك
بُكره شبهكْ لو معافر
لسه ناوى ع الخطاوى
تلقى حتى الظلم سافر
وأستقر جوه أمْسَك
بُكره شبهكْ بيفيض محبه
لو بيفرح لو بيضحك
كون مرايته كون براحتك
وارمى على بكره ضَلك
بُكْــره شـبهـَــــــكْ
بس إحلم حِلم قدّك
حِلم أنت بس بطلُه
وأنت مُخرج كل فيلمك