شعر : عمرو حسن
كل الحاجات البسيطة
اللي بتبانلك عبيطة
وانها مالهاش لزوم
واللي ممكن يعني تحصل كل يوم
هي اكتر شيء يساعدك
لما تستسلم تقوم
سحلتك ف الوقفة يمكن تلقى تاكسي
قفل عينك وانت بتدوق الـ ” جالاكسي ”
مسكتك لرواية جايالك هدية
امضتك ف الكشف مستني الماهية
رعشتك ساعة مابتسلم وهي
ايدها أبرد من شتا “تشرين”
أو تخيُّل ايه ملامحك وانت ف الخمسين
فتح موضوع من فراغك انت والسوّاق
الزهايمر لما عدّى ولخبّط انقر هنا https://www.7alalcasino.com الاسماء
والمحطات اللي دايرة بين لقا وفراق
بصتك عند السلالم وانت طالع
وقفتك جوه البروفة ” نُص قالع ”
نظرتك للعُقب مرمي وهو والع
شيء يخلي القلب يزهد ف الحياة
ضيف لـ هذا
يسرا مثلاً ف المهاجر
ليلي علوي ف المصير
ضحكتك من فيلم ” علي باب الوزير ”
او تأمل ايه الجديد ف سي دي منير
حبك المطلق لمطرب أو لفرقة
فتحة التلاجة سرقة
او وقوفك وانت مستني الادان
كل شيء هيكون وكان
مهما بيعته هيشتريك
انت فعلاً تبقى ميّت
لو قتلت الطفل فيك