الشاعر التونسي الكبير/ طيب همامي
الوطن كيف الأم يحبل بيك ويحن ويغذّي
و الوطن كالوالدين يرضى عليك
الوطن كيــــــــــــــــــــــــف الأم يحبل و يولـد يحضنك ويضم
يتعب و يشقى بصحتك يـــــــحتم يعانيك و يراعيك و يداويـــــك
و تكبر و كيف تنطق تقول “نعم” تلقاه كالوالدين مستنيــــــــــــك
كالنبض , كـيــــــــــــــف الروح بيه حي , عايش , سالم و ممدوح
و لو فارقق تقعد جـسد مطروح جنازة, و جثة, ناســك تناديـــــــــك
و عند العواصف كـيـسـفـيـنـة نوح يعبر بعوم اليــم و ينجيـــــــــــــك
طبع الوطن جنسيّــــــــــــــــــاة عادات وتقاليد و الشخصيـّـــــــــة
و كل الهويّة احساس و وطنيّـة كتلة مشاعر عالوطن تنبيــــك
بلاش بيه حتّى الدّهر متناسيك هوّ الحضارة و القيّم الحيّــــــــة
كالأم كـيــــــــــــــــــف الأب يعطيك فى حياتك حنان و حبّ
فيه المساجد ساجدة للــــــرّب تخشع , تصلّي ترفع دعاويــك
هو النسب و المدرسة و كتب بحر العلوم يخوض و يقرّيـــك
هو الــــــــــــــــجو هوّ الأرض هوّ الكرامة و الشّرف و العــــــرض
و طبيب يشفى من هموم المرض و الوطن يا ” ابنى ” غطاك و كساويك
ماهوش سنة , الوطن طبعا فرض بلاش وطن رحمة ربنا تجافيــــــــــــك
مطلوب ديمه ليــــــــــــــــــــــه ثقيل دين دايم واجب تأدّيـــــــــــــــــــه
بيديك تمسح دمع من عينيــــــــــه تحـرث و تزرع , تغرس سوانيـــــــك
و تبـــنى مسارح حاملة معانــيـــه تحضيه و تحافظ على ماضــــــــــــــك
تحظيه زي المومـــــــــــــــــــــي نعطيه روحى و الجسد و دمومـــــــــى
و يقول لــى مازال باهظ سومـــى زيـــد تضحية , برك الله فيــــــــــــــــك
أنا دهر متشعب كثيرة همومــــــى انت زهر عمر الزهر ما يراجيـــــــــك
أنا الدهر و أنا الماضـــــــــــــــى أنا الشاهد و شاهد و حاكــــم قــاضى
أنا الشعر و أنا العصر لافتراضي و انت صغيرى تمر باخطاويــــــــك
انت تعيش راضى و الوطن ما راضي أجيال جاية و أجيال توّ تجيـــــــــــك
ما يــدوم حــــــــال الحـــــــــــال ليّام تمضى و البقاء محــــــــــــــال
أعمار الرجال تطول بالأفـــــعـال تقعد رسومك خالدة تـــــــــــحاكيك
حكمة نطقها حاكم العــــــــــــقال الفعل الحسن تخليــد لمباديـــــــــك
يعنى المطر و النّــــــــــــــــــــــو يعنى العمر , يعنى البصر و الضو
يعنى السماء و الأرض,يعنى الجو يعنى البحر و أخبار تيتـــــــانيـــــك
معنى البهاء سرّ الشفاء لا ســـــو وطنك يجاوب “حاضر” و “لبّيك”
الوطن هو الحاجــــــــــــــــــــــة و جابر خواطر عاثــــــرة محتاجة
هو العشق و غرامك و سود غناجه و المال و أولادك ما يكفيــــــــــك
و الفن و التلحين و الديباجـــــــــة جميع الكتب , الوطن فيها شريك
تأكدت نلقى الـــــــــــــــــــــــــكل منزل الأهل العقد و أهل الحل
و ناس اللّى يحضوا خيولهم و البل و ضدّ الفشل و الخوف و التشكيك
و الوطن يفتحـــــــــــلك أبواب أمل تسافر و تبعد , ترحل يناديك
مناجاة
صوتك موسيقى و ألحان وخطواتك للشعر قوافي
و قدك من وحي السبحان و روحك فيه السّر الخافي
تخيلتك زهرة ياسمين و عصفور الجنة بحذاه
لقيتك أجمل من الآخرين أحلى مالزهرة و شذاها
تسحر في الدنيا ملايين بحس رهيف و قلبك صافى
تصورتك نجمة قطبية و انت النجمة ما تظاهيك
ضويت ليالى شتوية بعد ما ضوت ليالي
قمره جميلة متعليّة بليل ربيع و جوك دافئ
مهما رسموك الرسامة حتى الريشة تحس بغيرة
انت جميلة سمحة تتسامى أسمى من سحر التصويرة
حنينة عندك صيفة و شامة حبيبة لا تهجر و لا تجافى
*****