شعر/ ايزيس غانم

حطيت قلبى …
قصاد قلبك…
ف كفتين لميزان….
مطبوشى ……….
وكأن الوازنه والوزان …
ما قدروشى ….
يلاقوا جرام..زياده ف قلب
ينقّص أو يعلى الحب …
فسابوا قلوبنا فى ميزانها..
ومن يومها ……
ما رجعوشى ….
……. حبيبى ……
يا قمر ساكن سما عينى
وفارش …ضلك الطيب
على رموشى …!!
بحبك صبح ….عايم على الميه
بحبك …..شمس ….
تصحى ندايا ف عروشى
بنتلى بلؤلؤك قصرى ….
فزاد ماسك جمال ماسى ..
وغصت ف مهجتى تسعى
وتتنفس بأنفاسى
رضيت الاسر بين ايدك
ومندهتش لحراسى
ولما صحيت …. أوام حطيت
مناسك قلبك العطشان
على جروحى
مابين كفة ميزان وميزان
مطبوشى …!!!!!!!!
وكأن الوازنه والوزان ..
ماقدروشى ………
يلاقوا جرام زياده ف قلب
ينقص أو يعلى الحب
فسابوا قلوبنا ف ميزانها
ومن يومها مارجعوشى