كتب : عبد الرحمن أحمد 

ازيك ؟!

عامله ايه

وحشاني عينيكي موت

غايبه بقالك كتير

سايبه الأيام تفوت

طعم الأيام ف بعدك

وحياتك مش حاسسها

روحي لأنك بعيده

مليون احساس ناقصها

طب عارفه حبيبتي لما ..

بشتاقلك بعمل ايه ؟!

بمسك صورتك وابوسها

وافضل باصص عليكي

وبغمض يمكن اقدر

احلم ف ليلتها بيكي

وساعات بحتاج لحضنك

أو لمسه من ايديكي

وانسي الدنيا ف كفوفك

وبحن لضحكه منك

غرقانه ف لون كسوفك

البعد ده مش بايدك

قلبي مقدر ظروفك

لو بضعف غصب عني

يمكن بضعف لأني ..

عايز انسيكي خوفك

وحشاني بشكل مرضي

وهموت _ أصلآ _ واشوفك !!