الشاعر/ايهاب سلام
يا اللي شيلتيني ف حشاكي
يسوي ايه الكون بحاله
لو ما عشتش يوم معاكي
قلبي دق
وداب
ورق لضحكتك
عيني شافت يوم ما شافت
حبتك
قدمي ذاق طعم الخطي
بعد م اتهادت خطاكي
يسوي ايه الكون بحاله
لو ما عشتش يوم معاكي
حلم ايه اللي احلمه
وانتي مش وايايه فيه
عمر ايه اللي أرسمه
وانتي مش نن ف عينيه
كل حاجة عملتها
راح تسوي ايه
جنب نفحه من رضاكي
يسوي ايه الكون بحاله
لو ما عشتش يوم معاكي