الخميس, ديسمبر 2, 2021
الرئيسيةالأخبارانا اتوب عن حبك انا ( القصيدة البكرية ) احمد فؤاد نجم
الأخبار

انا اتوب عن حبك انا ( القصيدة البكرية ) احمد فؤاد نجم

أنا أتوب عن حبك أنا ؟

أنا لي ف بعدك هنا ؟

دنا بترجاك

الله يجازيك

يا شاغلني معاك

وشاغلني عليك

وان غبت سنه

أنا برضه أنا

لا اقدر أنساك

ولا لي غنا

ولا أتوب

عن حبك أنا

زي ما يحلالك

زي هواك

سهرني عليك

سهرني معاك

دنا عمري ما أخاف من هجرك يوم

ولا قلبي بيفرح ونا وياك

وان كان أمل العشاق القرب

وأنا أملي ف حبك

هو الحب

وان غبت سنه

أنا برضه أنا

لا اقدر أنساك

ولا لي غنا

ولا أتوب عن حبك أنا

أنا لا أتمنيت

ولا قلت يا ريت

ولا بعدك عني

جعلني سليت

دنا كل منايا أدوق اللوم

ويقولوا علي الناس

حبيت

وان كان أمل العشاق القرب

وأنا أملي ف حبك

هو الحب

وان غبت سنه

أنا برضه أنا

لا أقدر أنساك

ولا لي غنا

ولا أتوب عن حبك أنا

تخاصمني كتير

نصالحني كتير

كل دا يا حبيبي مالوش تأثير

توصلني سنين

تهجرني سنين

ما تغيرنيش

دنا حبي كبير

وان كان أمل العشاق القرب

أنا أملي في حبك

هو الحب

وان غبت سنه

أنا برضه أنا

لا اقدر أنساك

ولا لي غنا

ولا أتوب

عن حبك أنا

                                                                            ألحان / الشيخ أمام 1962

                                                                         أول تعاون بين الثنائي أمام و نجم

%d مدونون معجبون بهذه: