الخميس, أغسطس 13, 2020
الرئيسيةالأخبارروحك بتوجع ولا دا ضيك
الأخبارعامية

روحك بتوجع ولا دا ضيك

 

بقلم أ/أحمد عواد

إن مدت البنت ايديها المدنتين
صلى
وافرش فى عينها غيطان /فرح
ارمى السلام
ع الفجر
يتحنى بنوارس
قلبك العشقان غنى
يمكن غناك يطفش الزحمه
ويفرق المواويل على بيوت الصحاب
ما انتاش وحيد فى البكا
كل الوشوش رغم الغنى بتبكى
بس انت وحدك اللى مدبوح بااللوقا
علشان مصر تبص فى عيون البشر
-مش كل جرح على الحقيقه يطيب-
ولا كل رعشه تنز روچ
من شفايف بنت معحونه ف براءه
حياه
كل الحروف اتكعبلت
تسقط مشاعرك
بين موسيقى الدم
وموسيقى الوجع
ترمى عينيك
تطبب الجرح المخاوى لطعمها
فض اشتباكك
باالمدى
وان كان صريح الحلم ما تعاندوش
أحلم
يمكن تعدى لبر بكر بيشبهك
يرقص بنفسج روحك
على ضى انفلات
كونك

error: Content is protected !!