قصيدة بتحب غيري للشاعر محمد شاكر إبراهيم

الشاعر محمد شاكر إبراهيم
بتحب غيري _ الشاعر محمد شاكر
الشاعر محمد شاكر إبراهيم

 

شعر : محمد شاكر إبراهيم

بتحب غيري واحبها
وبشوف حبيبها ف عينها ليا
وبشيل صورتها وضحكها
وبنام شايلهم بين ايديّا
أوقات كلامها بيبقى جرح
وأوقات يحن ويبقى فرح
وأوقات يكون محتاج لشرح
وبخاف لقلبي يقولها
بتحبي غيري واحبها
يا قلبي ليه مكتوب عليك
كل اما ابني الحب ليك
تلاقيها هدت حبي فيك
ولاقيك جريح من عشقها
بتحبي غيري واحبها
خليك كده عايش وحيد
اعشقها لكن من بعيد
الفرح عمره ما مد ايد
ف ماتنتظرش حبها
بتحبي غيري واحبها
وبشوف حبيبها ف عينها ليا
وبشيل صورتها وضحكها
وبنام شايلهم بين ايديّا