قصيدة حلاوة روح للشاعر حسن بعيله

حلاوه روح
عايشين الدنيا حلاوة روح
ومنين مانكون ولفين هانروح
الدنيا بتلسع بالاقلام
والخد يلف ويتوارب
ويسلم خده التانى مداس
والدنيا يا ناس
زى المجانين
هيستيريا الضرب بتحلالها
واحنا الساكتين
راضين بنقول
هه مدام عايشين
احسن مانكون زى العالم
على دجله هناك
او حلبيين
مدام عايشين
***
ملعونه اللقمه المغموسه
بمهانه وذل
ملعونه الدنيا المهروسه
ملعون الكل..
ملعون اللي بيحلم بالعيش
لو كان محروق
ملعون اللى بيكتب
عن طعم الحريه الروعه
وابنه المخنوق
ملعون ياللى بتحلم بالشاي
والشاي
من غير تليقمه سكر
اياك تفتكر انوالايام شهد مكرر
هاتحلى مرار الشاي والبن
ملعون يا جبان
ملعون يا سهن
***
الناس شبهك ياما و ياما
الناس مستنيه علامه
وعلامه موت
ملعون يا سكوت