الخميس, ديسمبر 2, 2021
الرئيسيةالأخبارقصيدة / ملهاش كتالوج شعر / داليا فاروق
الأخبار

قصيدة / ملهاش كتالوج شعر / داليا فاروق

في كل حكاية بتعيشها
كانت بتحوِّش الأجمل
لكن حكايتها ولا مرة كانت تكمل
فمشيت شايلة في جرابها حاجات حلوة
مواقف حلوة بتضحَّك
على شوية صور أفراح
مزوق لونها بالبمبي
كانت شايلة بيوت دافية
وحضن يضم عمر براح
وشايلة قلوب ولاد وبنات
أوضهم مليانيين باللعب
على عيونها تقف فراشات
بتنقش في الجفون ضحكة
وجوة لسانها كلمة حب
ونور بيفتَّح السكة

%d مدونون معجبون بهذه: