الأربعاء, أبريل 21, 2021
الرئيسيةالأخبارقصيدة / ولسه أسير الشاعر / احمد ابراهيم النجار
الأخبار

قصيدة / ولسه أسير الشاعر / احمد ابراهيم النجار

ياغربة ليل وانا عايش
في غربة سنين
يفوت بنا الحنين ويروح
واعيش مسجون بأشواقي
في زنزانة غرامي أسير
وانادي الطير
يبعتلك من المراسيل
حقيقي حبيبتي وحشاني
وانا عايش فى غربة ليل
اغمض عيني واتخيل رجوعك يوم
هنا وقفة على الأبواب
يهل الفجر ف عنيكي
وتتلاقي قلوب أحباب
وحشتيني بحبك موت ووحشاني
يا حلم يفوت
واصحى بدمعه سكناني
برعشة قلب مشتقلك
واغمض عيني من تاني
عشان القاكي حضناني في أحلامي
سنين عايش فى أحلامي
ولا عايز اعيش واقع
ده تاية منى عنواني
وغابت شمسك الدافيه
على جمر الفراق واقع
بعيش زمني الغريب وحدي
وساكته معايه احزاني
حبيبتي يا بدر كان طالع
هنا ليا
حبيبتي يا بحر حنية
دة زاد بيا الألم بفارق
ومات الفجر فى عيوني
وقتلاني هنا الأشواق
على جمرة وبعدك عني يا سمرة
عذاب فى عذاب
ياريت القاكي جيالي تدقي الباب
واعيش وياكي أيامي
ده انا المشتاق
لبسمة خد كان طارح جناين ورد
لسحر عنيكي العسلي يا أجمل أد
بشعر حرير ولسه أسير
في زنزانة بأشواقي
وانا عايش على الأحلام
حبيبتي والله وحشاني بحبك موت

error: Content is protected !!
%d مدونون معجبون بهذه: