الأربعاء, يناير 29, 2020
الرئيسيةالأخبارقصيده ابواب القاهرة الشاعر / على عبد العزيز

قصيده ابواب القاهرة الشاعر / على عبد العزيز

ليه كل ابواب القاهره 
فتحه علي امبارح 
والخلق لسه خايفه 
من المماليك 
غربان علي الشبابيك
يا ابن السبيل الاسبله 
مش ليك
مطرود وكل الارصفه بترميك
دخلت حاره برجوان صدفه
ع الناصيه كانت واقفه 
ست الملك 
تعرض جدايل شعرها 
هديه للاكراد 
بتخافو ليه يا ولاد
سيف المعز
مرهون في سوق السلاح 
ودهبه صدا علي فرش
واد سريح هناك 
قولو للي ساكن دير الملاك 
ان الدوا فيه الهلاك
ولا حد راح يسمع ناداك
في السينما او عبر الاثير
حلمك خلاص اصبح اسير