شعر : سالم الشهباني

خليها ف سرك ماتقولهاش
والدمعه اللى ف عينك واقفه
على حد نسيك ماتنزلهاش
خليها ف سرك واتقوى
ع الجرح اللى معشش جوا
ومسيرها تعدى وتتسوى
كام واحد م البعد مامتشى
واتحمل على نفسه وعاش..
خليها ف سرك ـــــــ
اياك م الجر ح .. ومواويله
اياك لو خطوه.. هتمشيله
الحزن اللى يزود حزنه
اصرخ ف عيونه.. وغنيله ..
خليها ف سرك ــ
احلف بالغالى .. وأيامه
وبدمع العين اللى مانامو
لتكمل في السكه وتمشى
ولا لحظه هتضعف قدامه