كتبت : جميلة حسن

أكدت الإعلامية عايدة سعودي، مذيعة راديو هيتس، أن رئاسة الجمهورية أمرت بعودتها مرة أخرى إلى عملها بعدما تم إيقافها بسبب تعليقها على حكم براءة الرئيس المخلوع حسني مبارك .

وقالت سعودي، في تدوينة لها على حسابها على موقع التواصل الاجتماعي فيس بوك،” نقول تاني يا مساء بعد مداخلتي في برنامج السادة المحترمون، كلموني رئاسة الجمهورية بلغوني إن الرئيس أمر برجوعي لمنصبي الطبيعي و بتجديد إعارتي في الحال ،

وتابعت سعودي” أحب طبعا أوصف سعادتي بإن الدعم بتاع كل الناس على تويتر و فيس بوك هو السبب. معركة صغيرة في وسط معارك الحق اللي لازم ناخدها لأخرها”

يذكر أنه تم إيقاف الإعلامية عايدة سعودي، عن العمل بالإذاعة بعد تعليقها على حكم براءة الرئيس المخلوع حسني مبارك خلال برنامج “ستوديو هيتس” المذاع على راديو هيتس.

حيث علقت سعودى قائلة ” مش عارفة أقول إيه، وبالطبع هانسمع مزيكا وهانبعت رسائل، لأننا قناة ترفيهية من الدرجة الأولى، لكن لا ينفي إن إحنا نقول كلمتين من الدرجة الأولى باردوا، وطبعا احنا عارفين مقولة لا تعليق على أحكام القضاء، حافظينها عن ظهر قلب وبنحترمها ومصدقين فيها لكن أنا عندي شوية أسئلة”.

وتساءلت : ” لما يبقى فيه احتفال بحكم براءة مبارك ده يعتبر تعليق ولا ما يعتبرش تعليق، ولا هو عادي ولا مش عادي ولو هو عادي يبقى إحساس الحزن والقهر هو كمان عادي مش هاعلق على الحكم لكن من حقي كمواطنة ومذيعة في إعلام الدولة إني كمان أحس بالألم بالحكم ده والشباب اللي راح فدى أفكار حلوة وأحس بالقهر من الاحتفال بالبراءة”

وقالت المذيعة عايدة سعودي : ” قتل المتظاهرين ده مكنش في بلد تانية ده كان متسجل وموجود على الفيديوهات واتنشر في التلفزيونات كمان، الخرطوش موت أصحابنا مش ناس سمعنا عنها، ممكن تزييف العقول لكن تزييف الأيام اللي عشناه حاجة تانية أنا مش فاهماها، لو التظاهر ممنوع بحكم نظام جه بالتظاهر يبقى التظاهر كمان ممنوع لكل المؤيدين”.