عيونك وحبي
ـــــــــــــــــــ
عيونك بتجرح
وتإلم وتوجع
بكل اللغات
عيون من جمالها
يموت السكات
عيون غاويه
ترمي ..
سهام مفتريه
شجيه / عفيه
بتدخل في قلبي
وتعلن شروقها
في كل النواحي
وكل الشتات
عيون ..
في براحها
عوالم قريبه
عوالم بعيده
بساتين ماليها
شروق الصباح
أصبَّح وامسِّي
وامسِّي واصبَّح
ومن سحرها
بادوب في التبات
يا أجمل ملاك
على غصن قلبي
وشايل في خده
جمال الخيال
بلاش تجرحيني
بهجر وخصام
بهمس الشفايف
أنا قلبي طايف
عليهم وقاطف
عسلهم ..
ودايق
حنين الغرام
رجاء ترحميني
ولا تحرميني
ولا تعذبيني
في لحظة جفاء
يا أجمل صبيه
بهيه / شهيه
وأحلى عيون
عيون علمتني
أغازل عواطفي
وادندن شعوري
بكل انتشاء
وأهمس
وأغمز
والاغي
واشاغل
بأحلى كلام
يا أنقى وأطيب
وأطهر مشاعر
أنا قلبي لسه
وليد الهيام