يامين يعيش؟..
الوقت سيف بارد ..
بيقطع ف الحياه..
تاه الوجع بين اﻵهات..
من كتر ما اتفردت سمايادموع!..
ﻻسألتى عنى!..
إيه يعنى واحد دنيته..
مرهونه على لحظة لقا!..
إيه يعنى عمر بيتحرق ..
من غير رفيق؟!.
-كان الطريق ..
ف بدايته أوراق الورود..
ويادوب مشينا خطوتين،،
والشوك مﻻ اﻷرض..الحيطان!..
وجفاكى بان..
وبقيت شبه ضل ف حياتك!..
مش قادر ابعد..
وﻻ انتى عاوزه ترجعى ﻷول ماكنتى!.
-فاكره المرايه ف روحى عميه..
أنا بس مستنى عشتن خايف تهونى..
مع إنى ف الظاهر بهون..
صدقينى..
أنا بس أكبر من حاجات ..
اتكررت قبلك كتير..
هيجى وقت وتعرفى..
إن السكوت جووايا قوه..
مهما كنتى حسبه قلبى ضعيف!.
-يمكن أموت..
لكن هموت متطمن..
إنها حتما هتعرف..
إنى لما عشقت كانت..
كل لمحه راسمه كونى..
تتمنى تسقيها الحياه..
وان آخر موت لقلبى بإيد هواها!.
-هسألك ف الحلم يوم..
من غير دموع ..
على خدى ليه مجاوبتنيش؟..
هسألك..
ليه فجأه دخلتينى هامش..
ومسحتى اسمى من سطورك؟!..
ليه كان منايا..
نبقى داخلين جووه بعض..
واﻻقى بعد القرب بعد!.
-ألمس مﻻمحى ف صوره باهته..
وأقول لنفسي فاكر إنت..
واقول لنفسي..
فيها إيه الدنيا ثابت..
وانت ليه واقف وسايب..
خطوتك تسند حنينك!؟..
كل اللى قابلوك صدقوك..
بس مين حست وجودك..
وابتدت تحلم بعينك!.
