اللي بني مصر في الاصل – كان بنا علي كتفه شال حمولها
وبخيرها — اتهنا
لا همه لحظه خوف
وبطميها — اتحنا
ماهو نيلها موال
مدفون في حضن المونه
عارف طريقه وسكته
راسم بايده – ضحكته
لا لحظه يوم كل ولا حتي اتانا
اللي بني مصر
احمد واخوه حنا
النيل سقاهم رواهم
مصر الجزور – مصر التراث
تاريخ — يتغني
شاهد عليها النيل
انجيل — وقرانا
حق المحبه حياه
حاتدوم لاحفادنا
ياللي انت فاسك بيهد
وسادد عروق الترع
من قلبنا – وعايش ما بنا الخير
ماتغور بعيد عنا
عدت علينا امم
لاقدرت يوم تكسرنا
ولا ايدها عرفت تشلنا
اسمع حروف الكلمه
واصبر علينا — استنا
اللي بني مصر
جزوره في الارض ممدوده
لاارض قدرت تاكله
ولا قدرت عليه دوده
بني وشيد هرم — وعلا مبانيه
لاعمره يوم رجع
ولاعمره قال ما بانيه
يشهد عليك الزمن
ياابن الكرم والجود
وكتب بايده يافطته
قبل السنيين بسنيين
ادخلوها — ادخلوها
وعيشوا فيها امنين
دا اللي بني مصر
