أضمك وجرحي بينزف قُبل
برغم اللي خانوا
ورغم اللي هانوا
ورغم اللي كانوا في غاية الخجل

أضمك وحتما يدور العجل
بكل الأراضي اللي خُضرة وحبل
مادام لسه باغزل حروف الغزل
وبنسج غرامي

قصيدة و كلامي

بينقش أسامي بحجم الدبل

 اضُمّك
وباحلم بحضنك وبيت
أنا اللي بـنيلك وطَميِك حييت
وضيّعت عمري
وما كنت أدري
ولو كنت أدري مكنتش بقيت
على أي صهيوني أول ما جيت

خصيمك نبينا في يوم الحساب
إذا ما التقيتي بهذا الكتاب
و لم تصدقي
و لم تعشقي
و لم تلحقي
حتى لو بالحجارة
و نركب قفاهم بشارع وحارة
بأرض المطار
ما بين الآثار

وجوه الديار

أو في مبنى السفارة

و آخر كتابي أيا مهجتي
أمانة ما يمشي ورا جثتي
سوى المتهومين بالوطن تهمتي
فداكي بدمايا اللي شاغلة الخواطر
بطول الزمان

                              سليمان بن خاطر

                              31 ديسمبر 1985