قصيدة / طراطيش    شعر / مصطفى حمدي

قصيدة / طراطيش شعر / مصطفى حمدي

الضحكة عويلة
و كلامى بيرسم وردة طناش
و الدنيا بترسم جيبى الفكة
و تقول مبقاش
دانا لامم كل عيونى عليكى
و مفصل بدل ال 100 فستان
و حكاوى عشان البنت
لسه مجتش
و انا لسه سامع
فى عينيكى هتاف
و الواد الحلم
لكل بنات احلامى
لساه طراطيش
انا اصلى مفيش
غير قلب عليل
و ف صدرى
ملامح شاب عجوز
انا نفسى افوز
بالبنت سمارة
و اكون عتريس
و اقفلك بدل الحلم
الف هويس .

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى