تدوين / شعر : ندى اسامه

.واديكى دونتى واحد تانية
ف القايمه السوده اللى ف قلبك
ملموم حواليكى ناس ياما
مع ذلك ولا واحد جمبك
ضحيتى حبيتى و اتحبيتى
ونسيتى ومشيتى واستنيتى
واهى دايره تلف
الجرح اللى يعلم جوه
مش بالامكان انه يخف ..
وانتى اللى معلم فيكى منك
وكتير بيفارقك مع انك
بتحاولى تتقربى ليهم
عارفة؟ ده قانون معروف جدا
العيب مش فيكى او فيهم
لو عاوزة شخص يكونلك بس
قربى ساعه وابعدى ايام
قصرى فى كلامك
او اصلا مش شرط كلام
خلوها رساله ف جوابات
اخبارك .. وتردى تمام
هنشوفك؟ اه يمكن جايز
ف الغالب وقتى مهوش ملكى
مشغولة 90 يوم قدام
العكس بيفرق اوقات
القرب الزايد عن حده
مش حلو .. الحلو المسافات
وعواطفك خليها لنفسك
مش شرط توزيعها عليهم
وزعيها تلاقي قلبك ميت
هيموت بأديك مش بأديهم
وانتى اللي بقيلك ايه غيره
فبلاش تتعلقى يا حزينة
معروف ان انت بتتمنى
تفضلى وياهم على طول
الباب قدامك مقفول ؟
ده قانون الدنيا يا مسكينة ..